Um okkur
Evrópsk upplýsingagátt um bólusetningar (EVIP) var þróuð af Sóttvarnarstofnun Evrópu (ECDC), í samstarfi við framkvæmdastjórn ESB og Lyfjastofnun Evrópu (EMA) [1].
EVIP er upplýsingagátt fyrir nákvæmar og uppfærðar upplýsingar um mismunandi bóluefni, ávinning þeirra og hugsanlegar aukaverkanir, aðferðir sem eru til staðar til að fylgjast með öryggi bóluefna og innlendar bólusetningaráætlanir.
Markmiðið er að veita almenningi greiðan aðgang að áreiðanlegum, vísindalegum upplýsingum um bóluefni og bólusetningar og hjálpa til við að berjast gegn röngum upplýsingum um bóluefni í Evrópu. Þetta getur hjálpað einstaklingum og samfélögum að taka upplýstar ákvarðanir sem geta dregið úr útbreiðslu sjúkdóma sem hægt er að koma í veg fyrir með bólusetningu og vernda heilsu einstaklinga og almennings.
Allar upplýsingarnar á vefsíðunni okkar eru yfirfarnar og samþykktar af teymi bóluefna- og lýðheilsusérfræðinga [2] og þeim er ætlað að hjálpa þér að vernda þig og samfélagið þitt gegn sjúkdómum sem hægt er að koma í veg fyrir með bóluefni.
Framkvæmdastjórn Evrópusambandsins
Framkvæmdastjórn ESB er stjórnandi verkefnisins. Hún er fulltrúi hagsmuna Evrópusambandsins í heild. Framkvæmdastjórnin hefur skuldbundið sig til að gera Evrópu að heilbrigðari og öruggari stað þar sem borgarar geta verið vissir um að verið sé að gæta hagsmuni þeirra.
Frekari upplýsingar um starfsemi framkvæmdastjórnar Evrópusambandsins varðandi bólusetningar
Frekari upplýsingar um Heilbrigðis- og matvælaöryggisstofnun, deild sem ber ábyrgð á matvælaöryggi og lýðheilsustefnu
Sóttvarnastofnun Evrópu, ECDC
Sóttvarnarstofnun Evrópu er vísindastofnun ESB sem miðar að því að styrkja varnir Evrópu gegn smitsjúkdómum. Á sviði sjúkdóma sem hægt er að koma í veg fyrir með bólusetningu veitir Sóttvarnarstofnun Evrópu regluleg eftirlitsgögn og vísindaleg ráð um bóluefni, fylgist með sjúkdómsfaröldrum og þróar efni til að styðja samskipti um bólusetningu.
Sóttvarnarstofnun heldur einnig utan um bólusetningaráætlunina, nettengdur gagnvirkur vettvangur sem sýnir bólusetningaráætlanir allra aðildarríkja ESB.
Lyfjastofnun Evrópu
Lyfjastofnun Evrópu (EMA) ber ábyrgð á vísindalegu mati, eftirliti og öryggiseftirliti með lyfjum í ESB. Lyfjastofnun Evrópu tryggir virkni, gæði og öryggi bóluefna. Lyfjastofnun Evrópu og vísindanefndir þess skoða öll tiltæk gögn og meta ávinning og áhættu þeirra áður en þau eru samþykkt og meðan þau eru á markaði innan ESB. Lyfjastofnun Evrópu vinnur náið með evrópskum og alþjóðlegum samstarfsaðilum og deilir upplýsingum um bóluefni og regluverk.
Öryggisnet fyrir bóluefni
EVIP vefsíðan er aðili að Öryggisneti fyrir bóluefni (VSN) sem er alþjóðlegt net vefsíðna, stofnað af Alþjóðaheilbrigðismálastofnuninni, sem veitir áreiðanlegar upplýsingar um öryggi bóluefnis.
Hafðu samband
Þú vetur náð í okkur á evip@ecdc.europa.eu
[1] EVIP var þróuð af frumkvæði Evrópusambandsins í kjölfar tilmæla ráðsins um aukið samstarf gegn sjúkdómum sem hægt er að koma í veg fyrir með bóluefni sem samþykkt var í desember 2018.
[2] Framkvæmdastjórn Evrópusambandsins, ECDC og EMA hafa kerfi til staðar til að tryggja hlutleysi. Starfsfólki og sérfræðingum er skylt að tilkynna um hvers kyns persónuleg hagsmuni eða annarra hagsmuna í viðskiptum eða samtökum sem gætu komið niður á hlutleysi þeirra. Þetta er til að tryggja að starfsfólk og sérfræðingar taki ekki við, er þeir sinna skyldum sínum, málum þar sem þeir geta, beint eða óbeint, haft persónulegra hagsmuna að gæta sem geta haft áhrif á hlutleysi þeirra.